【魔幻登場】壽星陳山聰出席GLYCEL新品發布會　獲陳凱琳與陳靜等人唱歌賀壽

護膚品牌GLYCEL今季推出6D Magic Mask—6D高效修護面膜，品牌於10月5日假中環舉行新品發布會，特意邀請多位城中名人出席。

當中，包括GLYCEL Skin Spa代言人陳凱琳（Grace）、林芊妤（Coffee）、陳靜（Dada）、陳山聰（Joel）、劉穎鏇（Tiffany）、鄧卓殷（Amber）、郭子豪（Arnold）、黃筠兒（Chloe）及林嘉宏，與奧思集團行政總裁及執行董事譚肇基（Alan）同見證這個魔幻時刻，席間Alan更為日前生日的山聰送上生日蛋糕慶祝，眾星同為山聰獻唱生日歌及送上生日祝福，場面熱鬧。

陳凱琳自覺是全世界最幸福女人

Grace貴為GLYCEL Skin Spa的代言人，率先體驗品牌全新推出的6D高效修護面膜，她早前因為拍攝網購「開箱」影片而被網民大讚貼地，老公鄭嘉穎更被指上輩子拯救了全宇宙，所以才娶到她，Grace聞言甜笑：「網民太誇獎喇！我可以做到佢老婆、同埋三個仔仔嘅媽媽，先係全世界最幸福嘅女人。

不過平時我都真係好鍾意上網睇買家嘅評價，對比過之後先會去落單買嘢，買返嚟覺得真係平靚正，又會好想拍片分享俾大家，好嘢一齊Share丫嘛！」

▼點擊圖片放大

+9

+8

Coffee暑假一家人飛往澳洲探親

早前趁著暑假跟兒子和老公飛往澳洲探親的Coffee，最難忘是在當地舉行了近百人的瑜伽聚會，去旅行都不忘保持美好身段：「不得不提嘅梗係我去旅行隨身都有攜帶嘅GLYCEL嘅G-PowerLift+，佢lift up同導入效果都好好，新推出嘅6D Magic Mask配合埋G-Power用，出嚟面部輪廓更加立體，阿仔見到我都讚話媽咪越嚟越靚，好冧！」

Dada拍畢新劇

最近於馬來西亞完成新劇《家族榮耀之繼承者》拍攝的Dada，終於可以返港休息：「呢段時間都要大馬香港兩邊飛，6D Magic Mask就好方便，超立體剪裁緊貼每吋肌膚，仲可以敷埋落頸，每晚收工返酒店梳洗好敷埋Mask，第二朝瞓醒皮膚勁緊緻水潤，特別易上妝！」

10月2日是陳山聰的生日，正日當然要留給最重要的家人，問到兒子怎樣跟他慶祝時，他笑謂：「阿仔3歲喇，啱啱開始返幼稚園，平時喺學校都會整好多唔同嘅手作仔送俾我，今年生日佢媽咪都同佢一齊夾手夾腳整咗份創意禮物，其實阿仔送乜俾我都開心。而家見到佢大得好快，越嚟越珍惜同佢相處嘅時間，早排仲同阿仔一齊拍咗條品牌宣傳片，嚟緊會見街，大家記得要留意呀！」

劉穎鏇即將要開拍新劇

近年一劇接一劇的Tiffany將要開拍新劇《飛常日誌》：「好開心可以一圓做空姐嘅夢想！預計聖誕前會拍完，計劃緊睇下到時可唔可以返美國探下媽咪同婆婆，如果成事想帶埋品牌嘅Christmas boxset送俾佢哋做禮物！」

鄧卓殷、郭子豪情侶檔吸金

拍片主意超多的Amber與Arnold不論在IG、小紅書都吸納許多追隨者，是成功跨界發展的情侶檔，Amber謙稱：「多謝大家有留意我啲片，有時見到大家嘅留言都會覺得好warm，令我更有動力拍落去。」問到情侶檔的吸金力是否更強時，Arnold則謂：「都要多謝品牌對我哋嘅支持，好似今次活動，邀請我哋同集團CEO一齊食飯，都係一個好難得嘅機會，希望之後同品牌有更多合作！」再講到二人的婚期時，Arnold表示他們已有共識，但要先賣一下關子，Amber笑說：「如果有好消息我哋可能會用得意啲嘅方法拍片公布，所以大家要follow定我同Arnold嘅channel喇！」

最新影片推介：

既是歌手又是演員的Chloe，過去一年全心投入演出歌舞劇《我們的青春日誌》，更打破了香港舞台劇歷史紀錄，於忙碌的工作行中Chloe還是會抽時間保養：「雖然好忙但係我好享受喺舞台上又唱又跳、同一班演員完全投入演出嘅感覺！每日排戲、演出嘅時間雖然好多，但好彩我有每日使用品牌嘅產品keep住皮膚嘅最佳狀態，令我可以專注排練，為觀眾送上最好嘅演出。」

模特兒出身的嘉宏，最近挑戰了極具新鮮感的新造型，照片上載IG後更被友人大讚性感：「我都係第一次嘗試呢種咁『性感』嘅造型，其實我本身係個好鐘意試新嘢、好鐘意玩嘅人，就好似入行做Model、參加真人騷，都係因為想挑戰更多、發掘更多自己，嚟緊好想向演員嘅方向發展，呢段時間都有參加好多唔同嘅casting，亦有上唔同嘅課程增值自己，除咗內涵，外表上嘅『增值』都好重要，品牌嘅產品就係幫我個樣『增值』嘅好幫手！」

【ET Club會員積分獎賞計劃】用App換獎賞︰https://onelink.to/keyuqm

hket App已全面升級，TOPick為大家推出一系列親子、健康、娛樂、港聞及休閒生活資訊及Video。 立即下載：https://bit.ly/34FTtW9

訂閱Telegram最新🍴✈️🎁優惠及送禮情報：https://bit.ly/3bebLM2

責任編輯：Kiwi Lee